На Клиниката за болести на устата и пародонтот работат високо специјализирани стручни здравствени работници кои спроведуваат специјалистичко - консултативна здавствена дејност од областа на оралната патологија и пародонтологија, како и стоматолошки здравствени услуги кои бараат стручен, организациски и технолошки, сложен и интердисциплинарен стоматолошки здравствен третман.
Во рамките на специјалистичко - консултативната дејност се вршат специјалистички и консултативни прегледи и се пружаат здравствени услуги од областа на оралната патологија и пародонтологијата, дијагностички и тераписки процедури, испитувања, специјалистички мислења и предлози.
Правилното и редовно четкање на забите како и редовните контроли и третмани кај вашиот пародонтолог може да ги сочува вашите заби како и да го спречи напредокот на оваа болест. Доколку забележите крварење од непцата, непријатен мирис од устата или расклатување на вашите заби обратете се на КЛИНИКАТА ЗА БОЛЕСТИ НА УСТА И ПАРОДОНТОТ. Стручниот тим на оваа клиника може да ја превенира, како и соодветно да ја лекува пародонтопатијата.
Било која промена во усната празнина некогаш може да биде ран знак за некое системско заболување. Затоа ако забележите било каква промена во усната празнина како што е промена на бојата, ранички, болка, обратете се на КЛИНИКАТА ЗА БОЛЕСТИ НА УСТА И ПАРОДОНТОТ. Тимот составен од специјалисти по болести на устата и пародонтот најсоодветно може да ги превенира и лекува болестите кои се појавуват во усната празнина.
Доколку забележите:
- воспалени, отечени непца;
- крвавење од непцата;
- промена на боја на забите;
- оголување на забите;
- расклатување на забите;
- присуство на забни наслаги;
- проблеми со усните;
- проблеми со слузницата на устата;
- проблеми со јазикот;
Високо стручниот, професионален тим со врвна, најсовремена технологија, ценејќи го Вашето време во предвидените термини ќе ги реши Вашите проблеми и ќе Ви овозможи здрава и убава насмевка.
Ако незнаете како да ги употребувате помошните средства за одржување на оралната хигиена (интердентална четка, конец за заби, интердентални траки, чистачи на јазик и антиплак раствори за плакнење на устата) нашиот тим ќе Ве обучи со особено задоволство.